Kafedra to'g'risida

“Arxitektura” kafedrasi institutning ochilishi bilan bir vaqtda, ya’ni 1966 yil sentyabr oyida vatanimizga yuqori malakali arxitektor mutaxassislar tayyorlab berish maqsadida institutning birinchi rektori arx.fanlari nomzodi, professor R.R.Abdurasulov rahbarligida tashkil etildi.

Hozirgi vaqtda “Arxitektura” kafedrasi Respublikada “Arxitektura” ta’lim yo‘nalishi va mutaxassisliklari bo‘yicha yuqori malakali kadrlar tayyorlaydigan etakchi maskan bo‘lib, talabalar o‘qish jarayonida arxitektura sohasida har tomonlama tayyorgarlikka ega, kasbiy masalalarni echishda tizimli va ijodiy yondashish ko‘nikmalar sohibi bo‘ladilar. Kafedrada talabalarni o‘qitish bo‘yicha soha korxonalari bilan o‘zaro hamkorlikda ishlab, bozor iqtisodiyoti talablarining o‘zgarishiga mos holda o‘qitishga, ish beruvchilarga maksimal amaliyotga yo‘naltirilgan bo‘lishiga e’tibor qaratadi.

“Arxitektura” kafedrasi universitetda mutaxassis chiqaruvchi asosiy kafedralardan biri sifatida doim rivojlanib va kengayib bordi. Bugungi kunda kafedrada 62 nafar professor-o‘qituvchilar faoliyat olib bormoqdalar. Ulardan 5 nafari fan doktori, professor, 12 nafari arx.nomzodlari, dotsentlar, 4 nafari arxitektura bo‘yicha falsafa-doktori, 15 nafari katta o‘qituvchilar, 15 nafari o‘qituvchilar, 12 nafari stajyor-o‘qituvchilardir.

Kafedradagi arxitektura sohasining yetuk olimlari professorlar A.S.Uralov, K.D.Raximov, D.Z.Kamalova va dotsent M.B.Xudayarovalar hozirgi kunda Samarqand davlat arxitektura-qurilish universitetining doktorlik va nomzodlik dissertatsiyalarini yoqlash bo’yicha ilmiy ixtisoslashgan kengashi a’zolaridir.

O'zbekiston Respublikasida xizmat ko’rsatgan yoshlar murabbiysi” oliy unvoniga sazovor bo‘lgan professor A. S. Uralov nafaqat fakultetimiz, balki universitetimizning ham faxri hisoblanishadi.

Hozirgi kunda kafedra professor-o‘qituvchilaridan bir necha nafari Samarqand viloyati shaharsozlik Kengashida a’zo bo‘lib, Samarqand viloyati bo‘yicha bajarilayotgan ko‘plab loyihalarning mualliflari sifatida faoliyat olib bormoqdalar.

O’zbekiston Respublikasi Prezidentining “Arxitektura-qurilish sohasida kadrlar tayyorlash tizimini yanada takomillashtirish chora-tadbirlari to’g’risida” 2022-yil 8-noyabrdagi PQ-416 qaroriga asosida Samarqand davlat arxitektura universiteti “Arxitektura” kafedrasi qoshidada

-       “Samarqand davlat arxitektura-qurilish loyiha ilmiy-tadqiqoti markazi” (rahbar – Toxirov Aziz);

-       “Shaharsozlik ilmiy-tadqiqot markazi” (rahbar – Zoirov R.Z.);

-       “Imkoniyati cheklangan shaxslar uchun arxitektura-qurilish loyihalarini ishlab chiqish” markazi (rahbar – Raximov L.A.) tashkil etildi.

“Arxitektura” kafedrasida 60730100 – Arxitektura ta’lim yo‘nalishi (bakalavriat), 70730101 - Bino va inshootlar arxitekturasi  va 70730102 - Shaharsozlik va landshaft arxitekturasi mutaxassisliklari (magistratura) mavjud.

Kafedra mudiri kafedrada rahbarlikni amalga oshiradi, muvofiqlashtiruvchi va nazorat qiluvchi funktsiyalarni bajaradi.

Kafedra manzili: Samarqand shahri, Lolazor ko‘chasi, 70-uy

Kafedra faoliyatini yuritgan kafedra mudirlari:

1966-1974 yillar

Abdurasulov Rahmon Rahimovich – arx.f.n., dosent

1974-1977 yillar

Zakirova Yuliya Qadirova - Arx. f.n. dots.

1977-1980 yillar

Egamberdiyev Ro’zimurod Egamberdiyevich - Arx. f.n. dots

1980-1982 yillar

Yabbarov Farrux Axmedovich – Arx.f.n., dosent

1982-1986 yillar

Achilov Shavkat Djumayevich - Arx.f.n., dosent

1986-1989 yillar

Axmedov Muxammad Qosimovich - Arx. fan.dok.prof.

1989-2009 yillar

Toshtemirov Ravon Toshtemirovich – Arx.f.n., dosent

2009-2010 yillar

Xudayarova Mavluda Baxriyevna – arx.f.n., dosent

2010-2014 yillar

Zairov Rauf Zairovich – katta o’qituvchi

2014-2015 yillar

Saloxiddinova Dilorom Zuxurovna – arx.n., katta o’qituvchi

2014- 2019 – yillar

Uralov Axtam Sindorovich – arx.f.d., professor

2019- 2022 yillar

Saloxiddinova Dilorom Zuxurovna – arx.n., katta o’qituvchi

2022-2023 yillar

Balgayev Abdisamat Balgayevich – arx.n.. dosent

2023-2024 yillar

Aymatov Anvarbek Abdixolikovich – arx.f.fal.dok. (PhD), dosent

2024 yildan-h.v.

Raximov Laziz Abduazizovich - arx.f.fal.dok. (PhD), dosent v.b.