REGISTRATOR OFIS TO‘G‘RISIDA

Oliy ta’lim, fan va innovatsiyalar vazirligi hamda “Ta’lim sohasidagi loyihalar markazi” loyiha ofisining 2024-yil 9-iyuldagi “Oliy ta’lim tashkilotlarida “Registrator ofisi”ni tashkil etish to‘g‘risida”gi 24-q/q, 2-q/q-sonli qo‘shma qarori, shuningdek, Oliy ta’lim, fan va innovatsiyalar vazirligining 2024-yil 13-dekabrdagi 48-q/q-son, Kambag‘allikni qisqartirish va bandlik vazirligining 2024-yil 11-dekabrdagi 21-2024-q/q-son hamda Iqtisodiyot va moliya vazirligining 2024-yil 12-dekabrdagi 205-son-qarori (ro‘yxat raqami 2859-4, 2024-yil 27-dekabr)da belgilangan vazifalar ijrosini ta’minlash maqsadida tashkil etilgan.

Registrator ofisi tomonidan taqdim etiladigan xizmat turlari

1.       Akademik (oʻquv) faoliyati boʻyicha koʻrsatiladigan xizmatlar:

ü QR kodli diplom shakllantirish;

ü akademik maʼlumotnoma va transkript berish;

ü akademik mobillik asosida boshqa oliy taʼlim tashkilotiga ketgan talabalarning hujjatlarini tegishli tartibda rasmiylashtirish;

ü bitiruvchi talabalar uchun aylanma varaqa yaratish;

ü diplom dublikatini olish uchun ariza yuborishga koʻmaklashish;

ü imtihon natijalari boʻyicha apellyatsiya arizalarini qabul qilishni tashkil qilish;

ü imtihonlar roʻyxatini shakllantirish va talabaga taqdim etish;

ü oliy taʼlim tashkilotlari talabalariga oʻqishni koʻchirish va qayta tiklash uchun ariza yuborishga koʻmaklashish;

ü oliy taʼlim tashkilotlariga ikkinchi taʼlimga kirish uchun abituriyentlarga onlayn ariza topshirishiga koʻmaklashish;

ü oliy taʼlim tashkilotlarining magistratura bosqichiga kirish uchun abituriyentlarga onlayn ariza topshirishiga koʻmaklashish;

ü oliy taʼlim olganlik haqidagi diplom maʼlumotlarini qoʻshish yoki tahrirlash uchun talabgorlarga ariza yuborishga koʻmaklashish;

ü stipendiya va turli grant tanlovlarida ishtirok etish uchun ariza qabul qilish;

ü talabaga oʻzining GPA koʻrsatkichi haqida maʼlumotnoma taqdim etish;

ü talabalar davomatini amaldagi tartibga asosan sababli va sababsiz holatga oʻtkazish;

ü talaba uzrli sabablarga ko‘ra (kasal, yaqin qarindoshining betobligi yoki vafoti, tug‘ruq holati kabilar) oraliq va (yoki) yakuniy nazorat turiga kirmagan talabalar uchun tegishli fanlardan shaxsiy grafik yaratish;

ü talabalar hujjatlarini qabul qilish va arxivga topshirish;

ü talabalarga imtihon natijalarini taqdim etish;

ü talabalarga qayta oʻqish uchun ariza berishga koʻmaklashish;

ü talabalarga turli xil maʼlumotnoma (oʻqish joyidan, harbiy boʻlimdan v.b.)lar berish;

ü talabalarga oʻquv varaqa taqdim etish;

ü talabalarga fan resurslari boʻyicha maʼlumot taqdim etish;

ü talabalarni HEMIS platformasida keyingi kursga oʻtkazish;

ü talabalarni oʻzlashtirish koʻrsatkichlari haqida maʼlumot taqdim etish;

ü talabalarning joriy, oraliq va davomat natijalariga koʻra yakuniy nazoratlarda ishtirok etishiga ruxsat berish;

ü talabalarning parolini tiklash;

ü talabalarning tyutorlar tomonidan to‘g‘ri to‘ldirilgan shaxsiy hamda oʻquv maʼlumotlarini tahrirlash;

ü talabalik guvohnomasini tayyorlash va talabalarga taqdim etish;

ü talabani bir guruhdan ikkinchi guruhga koʻchirib oʻtkazish;

ü tashqi xizmatlar: Ijtimoiy himoya reyestri va ayollar daftarida turuvchi talabalar yagona reestri bazasidan sinxronizatsiya qilib roʻyxat shakllantirish;

ü oʻqishini koʻchirishga tavsiya etilgan, o‘qishga tiklangan yoki kursda qolgan talabalarning o‘quv rejalaridagi fanlar farqini aniqlash;

ü oʻquv dasturlari haqida maʼlumot berish.

2.            Yoshlar  masalalari va   maʼnaviy-maʼrifiy faoliyat   boʻyicha  koʻrsatiladigan xizmatlar:

ü talabalarga yotoqxonalarga joylashish uchun ariza berishga koʻmaklashish;

ü ijara subsidiyasi uchun ariza yozishga koʻmaklashish.

3.       Xalqaro aloqalar faoliyati boʻyicha koʻrsatiladigan xizmatlar:

ü  talabalarga oʻqish joyidan ingliz tilida maʼlumotnoma berish;

ü  turli xalqaro grantlar va akademik mobillik dasturlari boʻyicha maʼlumotlarni taqdim etish;

ü  oʻqishga qabul qilingan xorijlik talabalarni elektron tizimda roʻyxatga olish va fanlarga biriktirish;

ü  xorijiy oliygohlarda tahsil olishda konsultatsiya berish;

ü  xorijlik talabalar uchun viza xizmatlarini amalga oshirish;

ü  xorijlik talabalarga toʻlov-shartnomalarini taqdim etish;

ü  xorijlik talabalarni Oʻzbekiston Respublikasida vaqtinchalik roʻyxatga qoʻyish xizmatlarini amalga oshirish;

ü  xorijlik talabalarni oʻqishga qabul qilish boʻyicha konsultatsiya berish, ariza va talab etiladigan hujjatlarni koʻrib chiqish uchun qabul qilish;

4.       Buxgalteriya va marketing boʻyicha koʻrsatiladigan xizmatlar:

ü qayta oʻqishga shartnoma berish;

ü stipendiya toʻgʻrisida maʼlumotnoma berish;

ü hisob varagʻini shakllantirib berish;

ü talabalarga toʻlov-shartnomasi olish uchun ariza berishga koʻmaklashish;

ü talabaning yotoqxonalarga joylashish shartnomasi boʻyicha qarzdorligi va haqdorligi haqida maʼlumot berish;

ü talabaning qayta oʻqish shartnomasi boʻyicha qarzdorligi va haqdorligi haqida maʼlumot berish;