Mirzo Ulug‘bek nomidagi Samarqand davlat arxitektura-qurilish universitetida “Atrof muhitni muhofaza qilishda innovatsion texnologiyalar” mavzusida xalqaro ilmiy-texnik konferensiya bo‘lib o‘tdi.

Mazkur konferensiyada sohaning yetuk mutaxassislari, xorijiy va mahalliy olimlar, doktorantlar hamda yosh tadqiqotchilar ishtirok etdilar. Tadbirda quyidagi asosiy yo‘nalishlar bo‘yicha taqdimotlar va muhokamalar tashkil etildi:

Atrof muhit va iqlim o‘zgarishini monitoring qilish;  

Chiqindilarni qayta ishlash orqali yashil energiyani rivojlantirish;  

Suv resurslarini muhofaza qilishda innovatsion texnologiyalar va sun’iy intellekt imkoniyatlari;  

Atrof muhit va iqlim o‘zgarishi sohasida kadrlar tayyorlash muammolari;  

Arxitektura va qurilishda ekologik muhofaza texnologiyalari.

Konferensiya davomida ekologik barqarorlik, innovatsion texnologiyalarning qo‘llanilishi va atrof muhitga ta’sirini kamaytirish masalalari yuzasidan qimmatli taklif va tavsiyalar bildirildi.

Mazkur xalqaro anjuman atrof-muhit sohasidagi ilmiy izlanishlarni rivojlantirish, ekologik muammolarga ilm-fan asosida yechim topish hamda tajriba almashuvini kuchaytirishga xizmat qilmoqda.