Mirzo Ulug‘bek nomidagi Samarqand davlat arxitektura-qurilish universitetida “Dolzarb 90 kun” loyihasi doirasida talabalarning jismoniy, intellektual va ijodiy salohiyatini namoyon etishga qaratilgan qator tadbirlar tashkil etildi.

Sport musobaqalari  – Qurilish fakulteti talabalari o‘rtasida yugurish, shaxmat va shashka bo‘yicha bellashuvlar bo‘lib o‘tdi. Ishtirokchilar nafaqat jismoniy, balki mantiqiy fikrlash va strategik yondashuvlarini ham namoyon etishdi. Musobaqalar do‘stlik, sog‘lom turmush tarzi va sog‘lom raqobat ruhida o‘tdi.

“Zakovat” intellektual o‘yini va san’at ko‘rgazmasi – Talabalar bilim sinovlarida mantiqiy topshiriqlarni yechib, jamoaviy ishlash mahoratini ko‘rsatishdi. San’at ko‘rgazmasida esa ularning tasviriy san’at, dizayn va amaliy ijod sohasidagi ishlari namoyish qilindi. 

Talabalar orasida kitobsevarlik, ma’naviyat va erkin fikrlashni targ‘ib etishga qaratilgan “Kitobxon yoz – 2025”  tanlovida ishtirokchilar o‘zlarining sevimli asarlaridan parchalar o‘qib, asarlar tahlili bilan shug‘ullanishdi.