Mirzo Ulug‘bek nomidagi Samarqand davlat arxitektura-qurilish universitetida “Dolzarb 90 kun” tashabbusi doirasida tashkil etilgan navbatdagi ma’naviy-ma’rifiy tadbir arxitektura yo‘nalishida tahsil olayotgan talaba-yoshlar ishtirokida bo‘lib o‘tdi.

Tadbir universitetning yangi kutubxona binosida o‘tkazilib, unda talabalarning kitobga bo‘lgan qiziqishini oshirish, badiiy va ilmiy adabiyotlarni chuqur o‘rganish orqali kasbiy dunyoqarashlarini kengaytirish maqsad qilindi.

Kitobxonlik kechasi davomida talabalar o‘z sevimli asarlari haqida fikr almashdilar, mutolaa madaniyati, o‘qish va fikrlash ko‘nikmalarini rivojlantirish borasida o‘zaro bahs-munozaralar olib borildi.