Mirzo Ulug‘bek nomidagi Samarqand davlat arxitektura-qurilish universitetida “Dolzarb 90 kun” loyihasi doirasida talabalar dekanati tyutorlari va talaba-yoshlar ishtirokida kitobxonlik va zakovat tadbiri tashkil etildi.

Tadbir talabalarning bo‘sh vaqtini mazmunli va foydali o‘tkazish, ularning ijodiy va intellektual salohiyatini rivojlantirish, hamda kitobga bo‘lgan qiziqishini oshirishga qaratildi.

Kitobxonlik tadbirida talabalar o‘zlari o‘qigan asarlar yuzasidan fikr almashib, o‘z mulohazalarini bayon etdilar.

Zakovat musobaqasi davomida esa talabalar jamoalarga bo‘linib, bilim va tafakkurlarini sinovdan o‘tkazishdi. Savol-javoblar, mantiqiy topishmoqlar va tezkor fikrlash mashqlari tadbirga alohida qiziqish bag‘ishladi.