Skip to main content

Elimiz suygan yozuvchi va shoirlar bilan uchrashuv

Mirzo Ulug‘bek nomidagi Samarqand davlat arxitektura-qurilish universiteti "Iqtisodiyot va boshqaruv" fakulteti talaba-yoshlari uchun yozgi ta’tilni mazmunli va ma’naviy boy o‘tkazish maqsadida adabiy uchrashuv tashkil etildi.

 

Uchrashuv mehmoni – universitetimiz sobiq bitiruvchisi, elimiz suygan shoir Sherzod Jo‘rayev bo‘lib, u yangi bino kutubxonasida talabalar bilan samimiy suhbat olib bordi. Shoir talabalik davri, universitet hayotidagi ijobiy o‘zgarishlar va bugungi kunda yoshlarga yaratilayotgan imkoniyatlar haqida o‘z fikrlarini bildirdi.

 

Sherzod Jo‘rayev yoshlarni kitob bilan do‘st bo‘lishga, ma’naviyatni unutmaslikka chorlab, “Yuraklarda tingan shamollar” nomli she’riy to‘plamidan namunalar o‘qib berdi. Tadbir davomida talaba-yoshlar ham o‘zlarining sevimli she’rlarini ijro etib, kechaga iliqlik va madaniy ruh bag‘ishladilar.