Hindistonning yirik qurilish kompaniyalaridan biri — Larsen & Toubro Construction kompaniyasining O‘zbekistondagi vakillari Mirzo Ulug‘bek nomidagi Samarqand davlat arxitektura-qurilish universitetiga tashrif buyurishdi.
Tashrifdan maqsad — universitetning iqtidorli bitiruvchilari orasidan malakali mutaxassislarni ishga jalb qilish bo‘ldi. Delegatsiyaga MDH davlatlari bo‘yicha loyiha bosh menejeri Ponrajapandi Rathinasamy Djaysval hamda MDH mamlakatlari biznes tashabbuslari rahbari Iskander Usmanovich Buranov boshchilik qilishdi.
Suhbatlar doirasida kompaniyada ishlash istagini bildirgan 24 nafar bitiruvchi bilan individual suhbat o‘tkazildi. Ulardan 4 nafar bitiruvchi saralab olinib, suhbat va IQ test jarayonlaridan muvaffaqiyatli o‘tishdi.
Ushbu tashrif SamDAQU bitiruvchilari uchun xalqaro miqyosda faoliyat yuritish, ilg‘or tajriba orttirish va malakali kadr sifatida shakllanishlari uchun keng imkoniyatlar yaratmoqda.
