Mirzo Ulug‘bek nomidagi Samarqand davlat arxitektura-qurilish universitetida "Madaniy meros obyektlarini asrashning zamonaviy tamoyillari" mavzusida xalqaro ilmiy-amaliy konferensiya bo‘lib o‘tdi.

Tadbirda O‘zbekiston Respublikasi Madaniy meros agentligining birinchi o‘rinbosari Tursunali Qo‘ziyev, Turkiya Respublikasining Samarqanddagi bosh konsuli Salih Janer, O‘zbekiston milliy axborot agentligi maxsus muxbiri, Xalqaro fanlar akademiyasi akademigi Muxiddin Narziqulov, SamDAQU ilmiy ishlar va innovatsiyalar bo‘yicha prorektori Abror Gadayev, Eron, Xitoy, Misr, Turkiya, Ozarbayjon kabi mamlakatlardan xalqaro darajadagi fan doktorlari, professorlar hamda tadqiqotchilar ishtirok etishdi.

Anjumanda:

Madaniy merosni saqlashda raqamli innovatsiyalar;

Tiklash va restavratsiya bo‘yicha zamonaviy yondashuvlar;

Turizm orqali meros obyektlaridan samarali foydalanish:

Muzeyshunoslik, ekologik muammolar va ularning ilmiy yechimlari kabi mavzularda ma’ruzalar o‘qildi.