Mirzo Ulug‘bek nomidagi Samarqand davlat arxitektura-qurilish universitetida yoshlarning estetik didini shakllantirish, ijodkorlik salohiyatini rivojlantirish va ularni sanʼatga kengroq jalb qilish maqsadida mahalla yoshlari hamda universitet talabalari ishtirokida sanʼat ko‘rgazmasi tashkil etildi.

Ko‘rgazmada ijodkor talabalar va yosh rassomlar tomonidan tayyorlangan rasmlar, dekorativ amaliy sanʼat asarlari, milliy hunarmandchilik namunalaridan iborat ko‘plab ishlar namoyish etildi. Tadbir davomida ishtirokchilar o‘zlarini qiziqtirgan asarlar bilan tanishib, sanʼat yo‘nalishlariga oid ma’lumotlar va maslahatlar oldilar.

Mazkur ko‘rgazma yoshlarda milliy madaniyat va sanʼatga bo‘lgan mehrni oshirishga, ijodiy fikrlashni rivojlantirishga xizmat qilmoqda. Ishtirokchilar bu kabi loyihalarning davomiy bo‘lishini tilab, o‘z ijobiy taassurotlarini bildirdilar.