Mirzo Ulugʻbek nomidagi Samarqand davlat arxitektura-qurilish universitetida talaba-yoshlarning badiiy tafakkuri va maʼnaviy-maʼrifiy dunyoqarashini kengaytirish maqsadida taniqli ijodkorlar ishtirokida Oybek va Komil Xorazmiy ijodiy faoliyatiga bagʻishlangan adabiy-maʼrifiy tadbir tashkil etildi.

Tadbir davomida o‘zbek adabiyotining ikki ulkan namoyandasi — Oybek va Komil Xorazmiy ijodining tarixiy, estetik va maʼnaviy jihatlari chuqur tahlil qilindi. Ishtirokchilar tomonidan ijodkorlarning mashhur asarlari o‘qib eshittirildi, adabiy meroslari asosida ochiq muloqot va fikr almashuvlar o‘tkazildi.

Maʼnaviyat va maʼrifat ruhida o‘tgan ushbu uchrashuv talabalarda o‘zbek mumtoz va zamonaviy adabiyotiga bo‘lgan hurmat va eʼtiborni kuchaytirish, ijodiy tafakkurni rivojlantirishga xizmat qildi.