Mirzo Ulug‘bek nomidagi Samarqand davlat arxitektura-qurilish universiteti kasaba uyushmasi hamda Sport salomatlik bo‘limi boshlig‘i Abbos Xayrullayev tashabbusi bilan universitet professor-o‘qituvchilari va xodimlari o‘rtasida “Sog‘lom turmush tarzini targ‘ib qilish” mavzusida sport musobaqasi tashkil etildi.

Musobaqa sportning mini futbol turi bo‘yicha o‘tkazilib, sog‘lom raqobat, jamoaviylik va jismoniy faollikni oshirishga xizmat qildi. Tadbirda universitet jamoalari o‘zaro kuch sinashib, “Rektor kubogi” uchun bahs olib bordilar.

Murosasiz kechgan bahs natijalariga ko‘ra:

1-o‘rin - Qurilish fakulteti jamoasi;

2-o‘rin - Rektorat jamoasi;

3-o‘rin - Tyutorlar jamoasi.

G‘olib jamoalar diplom hamda esdalik sovg‘alari bilan taqdirlandi. 1-o‘rinni egallagan Qurilish fakulteti jamoasiga rektor kubogi topshirildi.