Mirzo Ulug‘bek nomidagi Samarqand davlat arxitektura-qurilish universiteti Qurilish fakultetida “Dolzarb 90 kun” dasturi doirasida talabalar o‘rtasida shaxmat va shashka sport turlari bo‘yicha musobaqa tashkil etildi.

Musobaqaning asosiy maqsadi — talaba yoshlarning bo‘sh vaqtini mazmunli tashkil etish, ularda fikrlash madaniyatini rivojlantirish va sog‘lom raqobat muhitini shakllantirishdan iborat bo‘ldi.

Intellektual bellashuvda talabalarning faolligi yuqori bo‘lib, g‘olib va faol ishtirokchilar faxriy yorliqlar bilan taqdirlandi.