Bugun Mirzo Ulug‘bek nomidagi Samarqand davlat arxitektura-qurilish universitetida Respublika ishchi guruhi vakillari ishtirokida yoshlar bandligini ta’minlash, ularni mehnat faoliyatiga yo‘naltirish hamda kasbiy jihatdan qo‘llab-quvvatlash maqsadida uchrashuv tashkil etildi. Unda universitetimiz barcha mas’ullari ishtirok etdi.

Uchrashuvda Respublika ishchi guruh vakillari, xususan, Oliy ta'lim, fan va innovatsiyalar vazirligi bo'lim boshlig‘i B.Xolmirov, O'zMilliy bank "Kelajakka qadam" markazi kredit bo‘limi kuratori F.Akmalov hamda universitetning o‘quv ishlari bo‘yicha prorektori Mirolim Shodmonqulov tomonidan bitiruvchi talaba-yoshlar bilan muloqot olib borildi. 

Uchrashuv davomida o‘z biznes loyihasini amalga oshirish istagida bo‘lgan talabalarga "Kelajakka qadam" dasturining mazmun-mohiyati hamda maqsad va vazifalari yuzasidan tushuntirish ishlari olib borilib, bank tomonidan ishlab chiqilgan moliyaviy xizmatlar paketlari, turli sohalar bo‘yicha biznes rejalar tuzish hamda tadbirkorlik bo‘yicha kredit hujjatlar tayyorlash yuzasidan zarur tavsiyalar berildi. 

Shuningdek, universitet bitiruvchi bosqich talabalari o‘zlarini qiziqtirgan barcha savollarga javob olishdi.

Uchrashuvdan so‘ng ishchi guruh vakillari universitetning registrator ofisiga tashrif buyurishdi. Tashrif doirasida SamDAQUda Milliy bank hamkorligida "Kelajakka qadam" markazini ochilishi rejalashtirildi.