Mirzo Ulug‘bek nomidagi Samarqand davlat arxitektura-qurilish universiteti “Shaharsozlik” kafedrasi mudiri Farrux Madiyev va katta o‘qituvchi Rasul Achildiyevlar Turkiyaning Yildiz texnika universiteti “Shahar va hududlarni rejalashtirish bo‘limi”da tajriba almashishni davom ettirmoqdalar.

Amaliyot davomida dars jarayonlari universitetning malakali professor-o‘qituvchilari va universitet vakillari ishtirokida qizg‘in muhokama va munozaralar shaklida o‘tdi.

Shahar va hududlarni rejalashtirish bo‘limida 3-kurslarning  “Rejalashtirish-5” ijodiy fanidan 2-oraliq nazorat o‘tkazilib, SamDAQU o‘qituvchilari hakamlar hay’ati tarkibida talabalarning loyihalarini baholashda ishtirok etdilar.

Mazkur amaliyot professional muloqotlar va ilmiy hamkorlikni mustahkamlash orqali ikki universitet o‘rtasidagi akademik aloqalarni yanada kengaytirish va ta’lim sifatini oshirishga xizmat qiladi.