Davlatimiz rahbarining tashabbusi bilan uyushmagan hamda jamiyatda o‘z o‘rnini topa olmayotgan yoshlarni ijtimoiy hayotga moslashtirish, sog‘lom turmush tarzida hayot kechirishida ko‘maklashish, ularning bo‘sh vaqtini mazmunli tashkil etish maqsadida ular bilan individual ishlash, mas’ul vazirlik va idoralarni biriktirish tizimi yo‘lga qo‘yilgan.

Ana shunday tizim doirasida Mirzo Ulugʻbek nomidagi Samarqand davlat arxitektura-qurilish universiteti yoshlar masalalari va ma’naviy-ma’rifiy ishlar boʻyicha prorektori Sherzod Uzoqov boshchiligdagi ishchi guruhi tomonidan Qoʻshrabot tumanining "Qiyqim", "Pangat", "Shova" va "Minishkor" mahallalarida yashovchi ijtimoiy himoyaga muhtoj yoshlar bilan uchrashuvlar oʻtkazildi.

Uchrashuvlar davomida yoshlarning muammolari oʻrganilib, ularni ijtimoiy hayotga jalb etish, bandligini taʼminlash, taʼlim va kasb-hunar yoʻnalishlarida ragʻbatlantirish maqsadida amaliy yordamlar ko‘rsatildi.